O‘zbekistonning Kiyevdagi elchixonasi O‘zbekistonga qaytmoqchi bo‘layotganlar uchun Polsha chegarasini kesib o‘tish tartibini tushuntirdi.
“Lvovga kelgan fuqarolarimizni Poroxova ko‘chasi, 18 manziliga borishingizni va diaspora vakili Soliyev Ma’ruf (+380 96 102 10 95) bilan bog‘lanib, ro‘yxatni shakllantirish uchun unga o‘z ma’lumotlaringizni taqdim etishingizni so‘raymiz.
Chegarani kesib o‘tish faqat O‘zbekistonning Ukrainadagi va Polshadagi elchixonalari vakillari hamrohligida markazlashgan holda avtobuslarda amalga oshirilishi mumkinligiga e’tibor berishingizni so‘raymiz. Boshqa barcha holatlarda siz chegaradan o‘tishda muammolarga duch kelasiz.
Shuningdek, evakuatsiya ro‘yxatini tuzishda ustuvorlik birinchi o‘rinda ayollar, bolalar, talabalar va qariyalarga qaratilishini e’tiborga olishingizni so‘raymiz.
Sizni ishontirib aytmoqchimizki, biz fuqarolarimizni xavfsiz evakuatsiya qilish uchun barcha imkoniyatlarimizni ishga solamiz”, – deyiladi xabarda.
Mavzuga doir: TIV Ukrainadagi O‘zbekiston fuqarolarining evakuatsiyasi yuzasidan qo‘shimcha axborot berdi
Izoh (0)