Buxorodagi chegara bojxona postlarida respublika hududiga yashirin ravishda olib kirilayotgan 8,8 milliard so‘mlik tovarlar to‘xtatib qolindi. Bu haqda “Daryo”ga viloyat bojxona boshqarmasi matbuot xizmati rahbari Javohir Ismoilov xabar berdi.
Ta’kidlanishicha, 2022-yilning 25-fevral kuni “Xo‘jadavlat” temiryo‘l chegara bojxona posti xodimlari tomonidan qo‘shni mamlakatdan kirib kelgan temiryo‘l vagonlari belgilangan tartibda ko‘rikdan o‘tkazilgan. Tekshiruv davomida vagonlarda yuk-kuzatuv hujjatlarida ko‘rsatilmagan jami 295 ta sim o‘rami borligi aniqlangan. Mazkur tovarning umumiy qiymatiga aniqlik kiritilganda uning qiymati 4 milliard 775 million so‘mdan iboratligi ma’lum bo‘lgan.Keyingi xizmat tekshiruvi esa “Olot” chegara bojxona postida o‘tkazilgan. Unda xorijiy davlatdan kirib kelgan yuk avtomashinasi “qizil” yo‘lakka olinib, nazoratdan o‘tkazilgan. Yuk mashinada hujjatlarda ko‘rsatilmagan 4 milliard so‘mlik 500 dona kompyuter monitorlari hamda 14 million so‘mlik 480 dona oshxona idishlari borligi oydinlashgan.
“Hozirda yuqoridagi ikki holatda noqonuniy olib kirilayotgan umumiy qiymati 8 milliard 789 million so‘mni tashkil etuvchi tovarlarga nisbatan bojxona organlari tomonidan surishtiruv harakatlari olib borilmoqda”, — deydi Javohir Ismoilov.
Mavzuga doir:
- Surxondaryoda otasiga tegishli yerni 32,5 mln so‘mga sotib yuborishga uringan bojxona inspektori qo‘lga olindi
- Toshkent va Farg‘onada mamlakatga yashirin tarzda qurol olib kirmoqchi bo‘lgan shaxslar ushlandi
- Buxoro chegara postlarida salkam 1,5 mlrd so‘mlik mahsulotlarni yashirincha olib o‘tishga uringan shaxslar ushlandi
Izoh (0)