Toshkentdagi 3 ta tumanning ayrim joylarida ta’mirlash ishlari sabab tabiiy gaz ta’minoti vaqtincha to‘xtatiladi

Ta’mirlash ishlari tufayli 23-fevral kuni Toshkent shahrining Bektemir, Mirobod, Yangihayot tumanlarining ayrim joylarida tabiiy gaz ta’minoti vaqtincha to‘xtatiladi. Bu haqda “Hududgaz poytaxt” xabar qildi.

Bektemir tumani, 11 tor Rohat ko‘chasida joylashgan past bosim D-57 mm yerusti gaz quvurini xavfsiz joyga ko‘chirish ishlari rejalashtirilgani sababli soat 10:00 dan 16:00 gacha ushbu ko‘chadagi 11 ta yerlik xonadonlarda tabiiy gaz ta’minoti vaqtincha to‘xtatiladi.

Mirobod tumani, “Fitrat” mahallasi hududida joylashgan yerusti D-110 mm past bosimli gaz quvurida avariya holatini bartaraf qilish ishlari amalga oshirilishi sabab soat 10:30 dan 17:00 gacha 2-tor Yangi zamon ko‘chasidagi 42 ta xonadonda hamda 5 ta ulgurji iste’molchilarida tabiiy gaz ta’minoti vaqtincha to‘xtatiladi.

Yangihayot tumani, Farovon ko‘chasida joylashgan o‘rta bosim D-57 mm yerosti gaz quvurini harakatdagi gaz quvuriga ulash ishlari rejalashtirilgani tufayli soat 11:00 dan 15:00 gacha ushbu manzildagi 1 ta ulgurji korxonada tabiiy gaz ta’minoti vaqtincha to‘xtatiladi.

Ta’mirlash ishlari tugatilgandan so‘ng, tabiiy gaz qayta tiklanadi.