“Atletiko M” — “Manchester Yunayted”, “Benfika” — “Ayaks” uchrashuvlariga hakamlar tayinlandi
Yevropa Chempionlar Ligasining 1/8 final dastlabki bahslari doirasidagi 23-fevral, chorshanba kungi o‘yinlarga hakamlar tayinlandi.
“Benfika” — “Ayaks” uchrashuvini sloveniyalik Slavko Vinchich boshchiligidagi hakamlar guruhi boshqarib boradi. Unga qanotlarda Tomash Klanchik va Anrash Kovachich yordam beradi. VAR tizimida germaniyalik Marko Frits va Sloveniya vakili Jure Praprotnik ishlaydi.
“Atletiko M” va “Manchester Yunayted” jamoalari o‘rtasidagi bahs esa ruminiyalik Ovidiu Hatseganga ishonib topshirildi. Videotakrorlarda italiyalik Massimiliano Irrati va ruminiyalik Maurisio Mariani faoliyat olib boradi.
O‘yinlar Toshkent vaqti bilan 23-fevraldan 24-fevralga o‘tar kechasi 01:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
