Futbol bo‘yicha Italiya A Seriyasining 26-turidan o‘rin olgan bir qator o‘yinlar 20-fevral, yakshanba kuni bo‘lib o‘tdi.
“Inter” o‘z maydonida “Sassuolo”ni qabul qildi. 8-daqiqada Jakomo Raspadori mehmonlarni oldinga olib chiqqan bo‘lsa, 26-daqiqada Janluka Skamakka jamoasining ikkinchi golini urdi. Qolgan vaqtda hisob o‘zgarmadi.
“Inter” 54 ochko bilan ikkinchi o‘rinda qolib ketdi va peshqadam “Milan”dan ikki ochko ortda qolmoqda. “Sassuolo” esa ochkolarini 33 taga yetkazib olgan holda 11-pog‘onaga ko‘tarildi.
“Atalanta” Florensiyada “Fiorentina”ga qarshi bahs yuritdi. Ikkinchi bo‘lim boshida Kshishtof Piontek tomonidan urilgan gol mezbonlarga g‘alaba olib keldi.
A Seriya
26-tur bahslari
20-fevral, yakshanba
“Inter” — “Sassuolo” 0:2
Gollar: 0:1 – 8 Raspadori, 0:2 – 26 Skamakka.“Inter”: Handanovich, Darmian (Dumfris, 46), de Vrey, Shkrinyar, Dimarko, Perishich (D`Ambrozio, 78), Chalxono‘g‘lu (Vidal, 78), Galyardini (Jeko, 46), Barella, Sanches, Martines.
“Sassuolo”: Konsilyi, Myuldyur, Kirikesh, Ayhan (Ruan, 46), Kiryakopulos, Lopes, Frattezi (Mateus Enrike, 71), Traore (Harrui, 78), Berardi (Peluzo, 89), Skamakka (Defrel, 70), Raspadori.
Ogohlantirishlar: Raspadori (49), Myuldyur (59), D`Ambrozio (86).
Izoh (0)