Ukraina prezidenti Vladimir Zelenskiy 16-fevral tongida Birlik kuni munosabati bilan mamlakat fuqarolariga murojaat yo‘lladi. Uning murojaati Ukraina telekanallari tomonidan translyatsiya qilindi. Zelenskiy ushbu bayramni nishonlash haqida 14-fevral kuni farmon chiqargandi, chunki AQSh hukumati norasmiy ravishda 16-fevralni Rossiyaning Ukrainaga hujumi boshlanadigan kun deb atagan.
Buyuk Ukrainaning buyuk xalqi, xayrli tong! Bugun muhim kun — barchamiz birlashadigan kun. Hammamiz har xilmiz, yoshimiz, jinsimiz har xil, turli shaharlardanmiz, turli kasb egalarimiz, iste’dodimiz, bilimlarimiz, tilimiz, dinimiz turfa xil. Lekin bizni yagona istak — yashash istagi, tinch-totuv yashash, oila bag‘rida, farzandlar, ota-onalar bilan baxtli yashash istagi birlashtiradi. Va bularning barchasiga haqqimiz bor. Chunki biz o‘z uyimizdamiz, Ukrainadamiz. Hech kim uyimizni biz sevgandek sevmaydi. Faqat o‘zimiz birgalikda uyimizni himoya qila olamiz, boshqa hech kim. Birlik kuni bilan, ko‘k-sariq, Birlik kuni muborak, Ukraina! Sharq, G‘arb, Janub, Shimol faqat birga yangraydi, birga lekin kuchli yangraydi.
Zelenskiy o‘z nutqi bilan 16-fevral kuni Ukrainaning o‘nlab telekanallarida o‘tkaziladigan #UArazom birlik marafonini ochib berdi. Marafon davomida telekanallar “ukrainaliklarni qiziqtirayotgan va tashvishlantirayotgan muhim ijtimoiy va siyosiy masalalarni” muhokama qiladi, deyiladi “UNIAN” xabarida.
Mavzuga doir:
- Zelenskiy ayni vaqtda oilasi bilan birga Ukrainadan chiqib ketish ehtimoli yo‘qligini bildirdi
- “Rossiya Ukrainaga aynan qaysi sanada hujum boshlashini oldindan aytolmaymiz”, — Baydenning yordamchisi
- “Janob Zelenskiy! Masxarabozlik vaqti poyoniga yetdi”. Ramzan Qodirov Rossiyaning oddiy fuqarosi sifatida Ukraina prezidenti va xalqiga murojaat yo‘lladi
Izoh (0)