Namangan viloyatining Chust tumanida YPX xodimi xizmat avtomobilida yong‘in chiqqani haqida xabar berilgandi. Ichki ishlar vazirligi Jamoat xavfsizligi departamenti Yo‘l harakati xavfsizligi xizmatining “Daryo” qo‘shimcha qilishicha, yong‘inga maxsus xizmat avtomobilining dvigatel qismidagi qisqa tutashuv sabab bo‘lgan.
“2022-yil 11-fevral kuni soat 09:40 larda Namangan viloyatining Chust tumani hududidan o‘tgan 4R-112 Farg‘ona halqa yo‘li avtomobil yo‘lining 44-kilometrida YHXB xodimi A.Parpiyev boshqaruvidagi Nexia-1 rusumli maxsus xizmat avtomobilining dvigatel qismida qisqa tutashuv va uning ortidan yong‘in sodir bo‘lgan. Haydovchi avtomobilni zudlik bilan to‘xtatgan. Yong‘in o‘t o‘chiruvchilar tomonidan bartaraf etilgan”, — deyiladi mas’ul tashkilotning rasmiy ma’lumotida.Ichki ishlar vazirligi Jamoat xavfsizligi departamenti Yo‘l harakati xavfsizligi xizmati barcha haydovchilardan boshqaruvidagi transport vositasining texnik sozligiga e’tiborli bo‘lishlari lozimligini so‘ragan.
Mavzuga doir:
Izoh (0)