“Jigarimning 60 foizini olib tashlashdi”. Aktrisa Ra’no Shodiyeva ilk marta qanday kasallikka chalingani haqida so‘zlab berdi (video)

Taniqli aktrisa Ra’no Shodiyeva Instagram’dagi jonli efir vaqtida qanday kasallikni boshdan kechirgani haqidagi savolga javob berdi.

“Jigarimning 60 foizini olib tashlashdi va sog‘lomini qoldirishdi. Jigar — bu o‘sadigan a’zo. Xudo xohlasa, olib tashlangan o‘sha foizi bir yil davomida yana ham o‘sib, joyiga tushadi. Oson amaliyot bo‘lmadi, juda qiyin, mashaqqatli. Jigarning o‘zi 300 ta funksiyani bajaradi. Unda qon tomirlari ko‘p. Shuning hammasini joy-joyiga tikib, amalga oshirish kerak”, — deydi Ra’no Shodiyeva.

Shuningdek, aktrisa 5 oydan beri Turkiyada ekanligi, ayni damda “Ajibadem” klinikasida kimyoterapiya muolajasini olayotganini ham aytib o‘tgan.