O‘zbekiston aeroportlari faoliyati elektr energiyasi yo‘qligi sababli vaqtincha to‘xtatildi

Toshkent xalqaro aeroporti elektr energiyasidagi uzilishlar sabab reyslarni qabul qilmayapti, deb xabar beradi “RIA Novosti”.

Shuningdek, nashrning yozishicha, Bishkek aeroporti ham avtonom energiya ta’minotiga o‘tgan bo‘lib, bandargoh to‘liq rejimda ishlamayapti.

Uzbekistan Airports ma’lumotlariga ko‘ra, elektr energiyasi o‘chgani sabab Toshkent va boshqa shaharlardagi aeroportlar faoliyati vaqtincha to‘xtatilgan.

Xususan, Olmaota—Toshkent reysi Navoiydagi zaxira aerodromiga yo‘naltirilgan. Shuningdek, Air Astana aviakompaniyasining Olmaota—Toshkent yo‘nalishi bo‘yicha uchgan reysi jo‘nash aeroportiga qaytish bo‘yicha qaror qabul qilgan.

25-yanvar kuni soat 11:00 larda Toshkentning ko‘plab tumanlarida elektr energiyasi ta’minoti uzildi. Ma’lumotlarga ko‘ra, elektr energiyasi Yunusobod, Chilonzor, Olmazor, Yashnobod, Bektemir, Mirobod, Shayxontohur va boshqa qator tumanlarda o‘chgan. Shuningdek, elektr energiyasi ta’minoti bilan bog‘liq muammolar nafaqat Toshkent shahrida, balki Chirchiq, Namangan, Samarqand, Jizzax va Qo‘qon shaharlari ham kuzatilmoqda.

Energetika vazirligining ma’lum qilishicha, Qozog‘iston Elektr tarmog‘ida katta avariya bo‘lishi oqibatida Olmaota, Chimkent, Taras, Turkiston (viloyatlarida) va atrof hududlarida Elektr energiya ta’minotida o‘chishlar yuzaga kelgan. Toshkent shahar IIBB esa tibandliklarning oldini olish maqsadida ko‘chaga zarurat bo‘lmasa, shaxsiy mashinada chiqmaslikni tavsiya qilmoqda.