Toshkent viloyati Yangiyo‘l tumanida xorijiy oliy ta’lim muassasasiga o‘qishga kiritish bilan bog‘liq firibgarlik holati fosh etildi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda Davlat xavfsizlik xizmatining tumani bo‘limlari tomonidan tezkor tadbir o‘tkazilgan. Unda A.X. va A.I. shaxslar o‘zaro til biriktirib, fuqaro Sh.R.ga dastlab Qirg‘izistonning O‘sh davlat universitetiga o‘qishga kiritib qo‘yib, birinchi kursni tamomlagach, yuqori lavozimda ishlovchi tanishlari orqali 2-kursni Toshkent davlat farmatsevtika institutiga ko‘chirib berishni aytgani aniqlangan.
Ular buning evaziga 10 ming dollar talab qilgan. Tezkor tadbirda A.X. va A.I. kelishilgan puldan 4500 dollarni olayotganda ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib. Hozirda tergov harakatlari o‘tkazilmoqda.
Mavzuga doir:
- Toshkentda fuqaroni Qirg‘izistonga o‘qishga kiritib, uni Toshkentdagi farmatsevtika institutiga ko‘chirib berish uchun 3,5 ming dollar so‘ragan shaxs ushlandi
- Xorazmda o‘qishga kiritib qo‘yishni va’da berib, fuqarolarning 700 mln so‘mga yaqin mablag‘ini o‘zlashtirgan shaxslarga sud hukmi o‘qildi
- Buxoroda tibbiyot kollejiga 400 dollar evaziga o‘qishga kiritishni va’da qilgan shaxs ushlandi. U tergov davom etayotgan vaqtda yana pora bilan qo‘lga tushgan
Izoh (0)