Prezident Shavkat Mirziyoyev Rossiya prezidenti Vladimir Putinning taklifiga binoan Mustaqil Davlatlar Hamdo‘stligiga a’zo davlatlar rahbarlarining norasmiy sammitida ishtirok etish uchun amaliy tashrif bilan Sankt-Peterburg shahriga jo‘nab ketdi. Bu haqda Prezident matbuot xizmati xabar berdi.
Ma’lum qilinishicha, sammitda yetakchilar yilning asosiy yakunlarini sarhisob qilib, hamkorlikni rivojlantirishning kelgusidagi ustuvor yo‘nalishlari yuzasidan fikr almashadi.
Eslatib o‘tamiz, Shavkat Mirziyoyev Mustaqil Davlatlar Hamdo‘stligiga a’zo mamlakatlar Davlat rahbarlari kengashining 2018 va 2019-yillarda o‘tkazilgan norasmiy sammitlarida ham ishtirok etgandi.
Ma’lumot uchun, 2021-yilning 19-noyabrida O‘zbekiston prezidenti Shavkat Mirziyoyev Rossiya prezidenti Vladimir Putinning taklifiga binoan tashrif bilan Rossiyaga borgandi.
Izoh (0)