O‘zbekistonda noyabr oyida 76 ta elektromobil import qilingan, deb xabar bermoqda Davlat statistika qo‘mitasi.
Qayd etilishicha, elektromobillar xaridi uchun 1,8 million dollar sarflangan. Import qilinganlik ko‘rsatkichi oktabr oyiga nisbatan 21 taga oshgan. Oktabrda O‘zbekistonga 1,5 million dollarlik 55 ta elektromobil import qilingandi.
Avvalroq O‘zbekistonda elektromobillar uchun alohida davlat raqami berish boshlangani xabar qilingandi. Maxsus turdagi raqam 1-noyabrgacha davlat ro‘yxatidan o‘tgan elektromobillar uchun bepul almashtirib beriladi.
Eslatib o‘tamiz, O‘zbekistonda elektromobillar avtotransport yig‘imidan ozod etilgan.
Izoh (0)