“Siz bilan uchrashganimiz tarixda qoladi”. Shavkat Mirziyoyev Olmaliqdagi maktab o‘quvchilari bilan suhbatlashdi.
Prezident Olmaliq shahridagi 20-sonli ixtisoslashtirilgan umumta’lim maktabida bo‘lib, o‘quvchilar bilan muloqot qildi. Davlat rahbari bolalardan kelajakda kim bo‘lishi haqida insho yozib, prezidentga yo‘llashini so‘radi.
“Bular o‘zbek tilida ‘Ertangi kunda kim bo‘laman?’, ‘Oliygohga kirishga harakat qilaman, prezidentga va’da berdim’ deb yaxshi insho yozib jo‘natsa, men ular bilan shu insho orqali chuqurroq tanishardim”, – deydi davlat rahbari.
Prezident o‘quvchilarga yuzlanib, bu uchrashuv tarixda qolishini aytdi.
“Ma’qulmi sizlarga? Yaxshi yozib berasizlarmi? Shu insholaring orqali o‘zimning niyatlarimni yozib yuboraman. Ana shunda sizlar bilan do‘st bo‘lib, voyaga yetguningizcha sizlarga alohida e’tibor qilishga va’da beraman”, – dedi Shavkat Mirziyoyev o‘quvchilarga.
Bundan avval Shavkat Mirziyoyev Olmaliq kon-metallurgiya kombinatiga borgani haqida xabar berilgandi.
Mavzuga doir:
- “Katta-katta hokimlarni javobgarlikka tortsangiz, sizni hurmat qilishni boshlayman”. Mirziyoyev yer ajratishdagi korrupsiya holatlari yuzasidan bosh prokurorga yuzlandi
- “Buni uddalay olmagan hokim menga kerak emas”. Prezident yer balansini to‘g‘ri yuritish hokimlarning konstitutsiyaviy majburiyati ekanini ta’kidladi
- “Buning orqasida pora va korrupsiya turibdi”. Shavkat Mirziyoyev kadastr sohasida mavjud muammolar haqida
Izoh (0)