Ijtimoiy tarmoqlarda Qamchiq dovonida quyuq tuman tushgani bois avtomobil yo‘lida ko‘rinuvchanlik qisqargani aytilgan video tarqalmoqda. IIV YHXBB mazkur holatni rad etib, hozirda dovonda ob-havo sharoiti tasvirlangan suratlar bilan bo‘lishdi.
Internetda tarqalgan videoda Qamchiq dovoniga tushgan juda quyuq tuman sabab 5-10 metr zo‘rg‘a ko‘rinayotgani aytilgan. Idora matbuot xizmati tomonidan e’lon qilingan suratlardan ko‘rish mumkinki, dovonda tuman yo‘q.
“Yuqoridagi suratlar ayni vaqtlarda olingan bo‘lib, dovonda ob-havo sharoiti yaxshi, tuman yo‘q, yo‘llar quruq bo‘lib, harakat xavfsizligi xodimlar tomonidan ta’minlanmoqda”, — deyiladi munosabatda.
Eslatib o‘tamiz, 17-noyabrda ham Qamchiq dovonida kuchli qor, dovon yo‘lida yaxlama va qor uyumlari yuzaga kelgandi. Yo‘ldagi qorni tozalashga 121 ta texnika va 350 ga yaqin ishchi jalb etilgan. Shuningdek, dovonda 25-noyabr kuni qor yog‘a boshlagan va 26-noyabr kuni yo‘llarni qordan tozalash ishlari amalga oshirilgan edi.
Izoh (0)