AQSh Milliy arxivlar va hujjatlar boshqarmasi 1963-yilda mamlakatning 35-prezidenti Jon Kennedining o‘ldirilishiga oid tergovning yangi hujjatlarini e’lon qildi, deb xabar beradi “Kommersant”.
Ta’kidlanishicha, MRB, FQB, Davlat departamenti va AQShdagi boshqa davlat tuzilmalariga oid 1491 ta hujjat bu boradagi ma’lumotlar oshkor etilishi boshlanganidan beri eng yirik jamlanmaga aylangan. Ular qatorida — rasman yolg‘iz-qotil hisoblanuvchi Li Xarvi Osvaldning SSSR va Kubaning Mexikodagi elchixonalari bilan aloqalariga oid ma’lumotlar mavjud.
E’lon qilingan hujjatlarning birida Li Xarvi Osvald Kennedini o‘ldirishidan bir necha oy oldin Kuba va SSSR elchixonalariga viza arizalari bilan tashrif buyurgani keltirilgan. Yana bir hujjatda ma’lum qilinishicha, Li Xarvi Osvald SSSR elchixonasining konsuli bilan uchrashgan, MRB versiyasiga ko‘ra, u KGBning “buyurtma qotilliklari bo‘limi” bilan bog‘liq bo‘lgan.
Eslatib o‘tamiz, 2017-yilda AQShda KGB agentining Jon Kennedining o‘ldirib ketilishi haqidagi ish bo‘yicha ko‘rsatmalari e’lon qilingandi. E’lon qilingan materiallar orasida KGB (Sobiq Ittifoqda Davlat xavfsizligi qo‘mitasi) agenti Yuriy Nosenko bilan intervyudan 17 ta audiofayl bor, u 1964-yil yanvarida, Kennedining o‘limidan keyingina AQShga qochib o‘tgan edi.
Izoh (0)