Farg‘ona viloyatining Marg‘ilon shahrida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda viloyat IIB YHXB axborot xizmati “Daryo”ga ma’lum qildi.
Ma’lum qilinishicha, 14-dekabr kuni soat 19:30 larda fuqaro T.E. (1991-yilda tug‘ilgan) Damas avtomashinasini Marg‘ilon shahar Ahmad Yassaviy ko‘chasida boshqarib ketayotib, qarama-qarshi tomondan harakatlanib kelayotgan N.S. (2000-yilda tug‘ilgan) boshqaruvidagi Cobalt bilan to‘qnashib ketgan.
YTH natijasida har ikki avtomashinada yong‘in sodir bo‘lishi oqibatida Damas haydovchisi R.X. mashina ichida yonib ketib, hodisa joyida vafot etgan.
Mazkur holat yuzasidan Marg‘ilon shahar IIB huzuridagi tergov bo‘limi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda surishtiruv ishlari olib borilmoqda.
Avvalroq Tashkent City yaqinida Orlando yonib ketgani, Toshkentda 47-yo‘nalishda qatnaydigan Mercedes avtobusida yong‘in chiqqani to‘g‘risida xabar berilgandi.
Izoh (0)