Rossiyaning Ryazan viloyatida o‘zbekistonlik ikki bola suvga cho‘kib ketdi. Bu haqda mamlakat Tergov qo‘mitasining Ryazan viloyati boshqarmasi matbuot xizmati xabar berdi.
Aniqlanishicha, ota-onasi tomonidan qarovsiz qoldirilgan 4 va 7 yoshda bo‘lgan bolalar “Dedyuxino” qishlog‘ida joylashgan sun’iy suv havzasining ochiq muziga chiqqan. Kutilmaganda muz yorilib, bolalar cho‘kib ketgan.
Ma’lum qilinishicha, marhumlarning ota-onasi bolalarni O‘zbekistonda dafn etadi.
Holat yuzasidan Rossiya Tergov departamentining Ryazan viloyati bo‘yicha boshqarmasi tomonidan tekshiruv boshlangan.
Avvalroq Rossiyada vafot etgan o‘zbekistonlik mehnat migrantining oilasiga 1 mln rubldan ortiq mablag‘ undirib berilgani, Rossiya hukumati 150 ming o‘zbekistonlik muhojirning mamlakatga kirishiga qo‘yilgan taqiqni olib tashlagani to‘g‘risida xabar berilgandi.
Mavzuga doir:
Izoh (0)