25-noyabr kuni poytaxtning Yangihayot tumani hududida joylashgan yuqori kuchlanishli havo elektr uzatish tarmog‘ida qurilish-montaj ishlarini amalga oshirish jarayonida mazkur tarmoqda vaqtincha uzilishlar kuzatiladi. Bu haqda “Toshkent shahar elektr tarmoqlari korxonasi” matbuot xizmati xabar berdi.
Ma’lum qilinishicha, tumandagi 220 kilovattli “Sergeli” podstansiyasini ta’minlanuvchi 110 kilovatt bo‘lgan yuqori kuchlanishli havo elektr uzatish tarmog‘ida qurilish-montaj ishlari amalga oshiriladi.
Ta’mirlash ishlarini xavfsiz bajarish maqsadida, xususan, quyidagi MFYlar, tadbirkorlik subyektlari, maishiy obyektlar va aholi iste’molchilari soat 11:00 dan 16:00 gacha vaqtincha ta’minotdan ajratiladi: Shokir ariq ko‘chasi, 2A, 3A, 3B, 5A,7A, 8, 9, 10 qurilish dahalaridagi yangi uylar, shuningdek, “Yangi hayot”, “Oriyat”, “Yangi umid”, “Tashabbus”, “Humo”, “Yangi turmush”, “Marhamat”, “Gulshanobod” va “Olchazor” MFYlar.
Avvalroq O‘zbekistonda 2022-yilda elektr energiyasi narxi oshirilishi mumkinligi, O‘zbekistonning ayrim hududlarida elektr energiyasi ta’minotida qisqa muddatli uzilishlar kuzatilayotgani, O‘zbekistonda 2023-yilda birinchi yuqori kuchlanishli raqamli podstansiya ishga tushirilishi to‘g‘risida xabar berilgandi.
Izoh (0)