Sog‘liqni saqlash vazirligi tibbiyot sohasining faol va tashabbuskor yosh vakillarini birlashtirish maqsadida “Yangi O‘zbekiston shifokorlari” platformasi ishga tushirdi. Bu haqda SSV matbuot xizmati xabar berdi.
Ma’lum qilinishicha, yangi platforma nafaqat O‘zbekiston, balki dunyoning istalgan hududida yashab, mehnat qilayotgan 45 yoshgacha bo‘lgan shifokor vatandoshlari uchun mo‘ljallangan. U orqali mamlakat tibbiyoti oldida turgan dolzarb masalalar va ularning yechimlari bo‘yicha yangi g‘oya, taklif hamda tashabbuslar qabul qilinib, sog‘liqni saqlash tizimi rivojiga bag‘ishlangan ilmiy-amaliy konferensiyada muhokama etiladi.
Shuningdek, eng yaxshi g‘oya va takliflar bergan yosh shifokorlar vazirlik istiqbolli kadrlar zaxirasiga kiritiladi.
Soha oldida turgan dolzarb masalalarning yechimlari bo‘yicha g‘oya va takliflarni qoldirish uchun quyidagi havola orqali ro‘yxatdan o‘tish kerak. “Ularning konfidensialligi ta’minlanadi”, — deyiladi xabarda.
Avvalroq O‘zbekiston sog‘liqni saqlash tizimidagi qurilishlarni loyihalashtirishga turkiyalik mutaxassis rahbarlik qilishi, Behzod Musayev SSV tizimidagi talabga javob bermaydigan barcha sanitariya-gigiyena xonalarini ta’mirdan chiqarish bo‘yicha ko‘rsatma bergani to‘g‘risida xabar berilgandi.
Mavzuga doir:
Izoh (0)