Rossiya Aloqa, axborot texnologiyalari va ommaviy kommunikatsiyalar sohalarida nazorat bo‘yicha federal xizmati (“Roskomnadzor”) Google, Apple, Telegram, TikTok, Meta va boshqa IT-kompaniyalarga Rossiyada o‘z ofislarini ochish talabini qo‘ydi, aks holda ushbu servislarning bari bloklanishi mumkin.
Ro‘yxatdan jami 13 kompaniya o‘rin olgan bo‘lib, ular orasida, shuningdek, Twitter, Zoom, Discord, Twitch, Viber, Spotify, Likee va Pinterest ham bor.
Rossiya rasmiylari tomonidan ilgari surilayotgan talabga ko‘ra, ushbu kompaniyalar 2022-yil 1-yanvarga qadar Rossiyada o‘z vakolatxonalarini ochishi, “Roskomnadzor”ning so‘rovlariga javob berishi va o‘z saytida aloqa maxsus bo‘lim (forma) tashkil etishi lozim.
Ushbu talabni bajarishdan bosh tortgan kompaniyalarga nisbatan ularni qidiruv tizimlaridagi so‘rov natijalaridan chiqarib tashlash, reklama qilinishini taqiqlash, Rossiya jismoniy va yuridik shaxslaridan to‘lovlarni qabul qilishni taqiqlash, shuningdek, qisman yoki to‘liq bloklash kabi choralar ko‘rilishi mumkin.
Mavzuga doir:
- “O‘zkomnazorat” rahbari ishdan olindi. Telegram, YouTube va boshqa ijtimoiy tarmoqlarga ulanish tiklanadi
- O‘zbekistonda ijtimoiy tarmoqlar faoliyatiga cheklov qo‘yilgani holati yuzasidan tergov o‘tkaziladi
- Axborot texnologiyalari va kommunikatsiyalarini rivojlantirish vaziri lavozimidan ozod qilindi
Izoh (0)