Yevropa mintaqasida JCh—2022 saralashining so‘nggi turidan o‘rin olgan bir qator o‘yinlar 15-noyabr, dushanba kuni o‘tkazildi.
Angliya safarda San-Marino maydoniga safar qilib, raqib darvozasiga javobsiz 10 ta gol urdi. Inglizlar safida Harri Keyn pokerga erishgan bo‘lsa, Harri Maguayr, Emil Smit-Rou, Tayron Mingz, Temmi Abraham va Bukayo Saka o‘z nomiga bittadan gol yozdirib qo‘ydi. Yana bir vaziyatda esa mezbonlar o‘z darvozasini ishg‘ol etib qo‘ydi. Angliya bu orqali I guruhida birinchi o‘rinni naqd qildi va mundial yo‘llanmasini qo‘lga kiritdi.
Guruhning ikkinchi o‘yinida Polsha Vengriyaga yengildi va o‘tish o‘yinlarida qatnashadigan bo‘ldi.
Italiya ham tur doirasida safarda o‘yin o‘tkazdi. Roberto Manchini shogirdlari Shimoliy Irlandiya maydoniga safar qildi va 0:0 hisobida durang o‘ynadi.
Shveysariya esa so‘nggi turda Bolgariya darvozasiga javobsiz 4 ta gol urdi va C guruhida yetakchilikni qo‘lga kiritib, Qatar—2022 yo‘llanmasiga ega chiqdi. Ikkinchi o‘rindagi Italiya endilikda pley-off bahslarida ishtirok etadi.
JCh-2022 saralashi
15-noyabr, dushanba
San-Marino – Angliya 0:10
Gollar: 0:1 – 6 Maguayr, 0:2 – 15, avtogol Fabbri, 0:3 – 27, penalti Keyn, 0:4 – 31 Keyn, 0:5 – 39, penalti Keyn, 0:6 – 42 Keyn, 0:7 – 58 Smit-Rou, 0:8 – 69 Mingz, 0:9 – 78 Abraham, 0:10 – 79 Saka.San-Marino: Benedettini, Hirsh (Golinuchchi, 46), Fabbri (Konti, 81), Rossi, Golinuchchi, Battistini, Lunadei (Grandoni, 74), Daddario (Chenzoni, 46), Mularoni, Nanni, Tomassini (Vitayoli, 46).
Angliya: Remsdeyl, Maguayr (Chiluell, 46), Mingz, Koudi, Aleksander-Arnold, Foden (Abraham, 46), Fillips (Gallaxer, 46), Smit-Rou (Stounz, 73), Bellinghem, Saka, Keyn (Jeyms, 63).
Ogohlantirishlar: Tomassini (16), Rossi (26), Daddario (38), Battistini (54), Abraxam (73).
Chetlatish: Rossi (68).
Shimoliy Irlandiya – Italiya 0:0
Shimoliy Irlandiya: Pikok-Farrell, Evans, Flenagan, Ketkart, Lyuis, Sevill (Evans, 72), Dallas, Makkenn, Devis, Uayt (Uoshington, 72), Majennis.Italiya: Donnarumma, Emerson (Skamakka, 80), di Lorenso, Acherbi, Bonuchchi, Berardi, Jorjinyo (Lokatelli, 68), Kyeza, Barella (Belotti, 64), Insinye (Bernardeski, 68), Tonali (Kristante, 46).
Ogohlantirishlar: Tonali (9), Majennis (57), Pikok-Farrell (83).
Izoh (0)