Surxondaryo viloyatining Denov tumanida sodir bo‘lgan yo‘l-transport hodisasi oqibatida bir kishi halok bo‘ldi, deb xabar beradi viloyati IIB YHXB axborot xizmati.
Ma’lum qilinishicha, 22-oktabr kuni 10:30 larda tumanning “Chag‘oniyon” mahallasi hududidan o‘tuvchi M41 avtomobil yo‘lining 1484-kilometrida Tojikiston fuqarosi boshqaruvida bo‘lgan yuk avtomobili Sariosiyo—Termiz yo‘nalishida harakatlanib ketayotganida, uning tirkamasi Nexia’ning yo‘liga chiqib ketgan va YTH sodir etgan.
Sodir bo‘lgan avariya oqibatida Nexia’ning 23 yoshli haydovchisi voqea joyida vafot etgan.
“Bu kabi YTHlarning oldini olish maqsadida mahalla faollari, haydovchilar o‘rtasida targ‘ibot-tashviqot ishlari olib borildi”, — deyiladi xabarda.
Avvalroq Toshkentda avtobusga borib urilgan Lacetti haydovchisi voqea joyida vafot etgani, Toshkentda Matiz yo‘l chetida turgan uch nafar piyodani urib yuborib, ag‘darilgani, Qashqadaryoda Nexia va Captiva to‘qnashuvi oqibatida ikki haydovchi vafot etgani to‘g‘risida xabar berilgandi.
Izoh (0)