Sudandagi harbiy to‘ntarish oqibatida mamlakat poytaxti Xartum harbiylar tomonidan butunlay to‘sib qo‘yildi. Muxolifat odamlarni harbiy to‘ntarishga qarshi turish uchun ko‘chalarga chiqishga chaqirmoqda. Mamlakatda sodir bo‘layotgan voqealarning foto va videotasvirlari guvohlar hamda OAV tomonidan e’lon qilindi.
Xabarlarga ko‘ra, Kasaba uyushmalari tashkilotlari sudanliklarni ko‘chalarga chiqib, “harbiy to‘ntarishga qarshilik ko‘rsatishga va fuqarolik jihatdan itoatsizlik e’lon qilishga” chaqirgan.
Xartumda hukumatga qarshi namoyishlar davom etmoqda. Poytaxtda aloqa va internet uzib qo‘yilgan.
Avvalroq Sudanda to‘rt nafar vazir, shuningdek, Xartum shtatining yuqori martabali amaldorlari hibsga olingandi. Armiya mamlakat poytaxtiga kirish yo‘llari va ko‘priklarni yopib qo‘ygan. 2021-yilning sentabrida ham Sudanda harbiylar hukumat obyektlarini o‘z nazorati ostiga olishga va davlat to‘ntarishi uyushtirishga uringandi. O‘shanda bir guruh harbiylar mamlakat poytaxti Xartumni egallab olishga harakat qilgan.
Izoh (0)