Toshkent viloyatida Qirg‘izistonda ancha yillardan beri qidiruvda bo‘lgan avtomobil aniqlandi, deya xabar bermoqda viloyat YHXB “Daryo”ga.
Toshkent viloyati IIBB YHXBga Bo‘stonliq tumanida istiqomat qiluvchi 1988-yilda tug‘ilgan fuqaro B.A. o‘ziga tegishli bo‘lgan 1987-yilda ishlab chiqarilgan “VAZ–2106” rusumli transport vositasining eski namunadagi qayd etish guvohnomasini yangi namunadagi qayd etish guvohnomasiga almashtirib berish to‘g‘risida ariza bilan murojaat qilgan.
Ushbu transport vositasiga tegishli ma’lumotlarni va transport vositasining agregat raqamlari Chirchiq shahrida joylashgan 2-sonli tumanlararo ro‘yxatlash va imtihon olish bo‘limi boshlig‘i mayor A.Ismoilov tomonidan IIVning “Yagona avtomatlashtirilgan hisob tizimi”da tekshiruvdan o‘tkazilganda avtomobil 1998-yilning 20-fevral kunida Qirg‘izistondan olib qochilgani hamda qidiruvda ekani aniqlandi.
Hozirgi holat bo‘yicha to‘plangan hujjatlar tegishli xulosa qilish uchun tergov idoralariga topshirildi.
Mavzuga doir:
- Toshkentda o‘zganing Gentra’sini minib qochgan 17 yoshli yigit YTHga uchrab, qo‘lga tushdi (video)
- Namanganda “moyka” xodimi yuvish uchun qoldirilgan Malibu’ni olib qochdi
- Toshkent shahrida YHXB inspektorlari tomonidan ta’qib qilingan voyaga yetmagan bola boshqaruvidagi Matiz Cobalt bilan to‘qnashdi (video)
Izoh (0)