Mavsumiy retsept: qovoq va olmadan mazali pirog tayyorlaymiz

Mazkur pishiriqdagi olma qovoq bilan uyg‘unlashib o‘zgacha ta’m, quyultirilgan sut esa unga yoqimli maza beradi.

Kerakli mahsulotlar: 

• sariyog‘ — 250 g;
• un — 400 g;
• tuz — 1 osh qoshiq;
• suv — 130 ml;
• qovoq — 600 g;
• olma — 1-2 dona;
• limon — 1 dona;
• vanil shakar — 10 g;
• quyultirilgan sut — 150 g;
• makkajo‘xori kraxmali — 1 osh qoshiq;
• tuxum — 1 dona;
• dolchin — 3/1 qoshiq.

1. Sariyog‘ni bir piyola un bilan maydalab, tuz va muzdek suv qo‘shing.
2. Xamir qorib, undan taxminan 3/1 qismini olib qo‘ying. Qolgan xamirning ikki qismini alohida folga bilan o‘rab, 20-30 daqiqaga muzlatkichga qo‘ying.
3. Qovoqni tozalab, mayda bo‘laklarga bo‘ling. Olmani ham maydalab oling.
4. Limonni po‘stidan tozalab, sharbatini siqib oling. Olma va qovoqli limon suvi, dolchin va vanil shakar qo‘shib, aralashtiring.
5. Quyultirilgan sut va kraxmalni ham qo‘shib, yana aralashtiring.
6. Muzlatkichdagi xamirning katta qismini olib, yupqa qilib yoying.
7. Xamirni gaz patnisiga yoyib, chetlarini burab chiqing va ichini nachinka bilan to‘ldiring.
8. Xamirning ikkinchi bo‘lagini ham yoyib, kengligi ikki santimetrdan oshmaydigan lentalarga bo‘ling.
9. Xamir bo‘laklarini bir tekisda taxlab chiqing. Lentaning ortiqcha qismini pichoqda kesib oling.
10. Tuxumni ko‘pirtirib, pirog ustiga surting.
11. Qovoqli pirogni 40-50 daqiqa 190 darajali pechda pishirib oling.