Britaniya diplomatlari Kobulda “Tolibon” hukumati rasmiylari bilan uchrashuv o‘tkazdi. Bu haqda Reuters xabar berdi.
Buyuk Britaniya Tashqi ishlar vazirligining ma’lum qilishicha, Afg‘oniston bo‘yicha maxsus elchi Saymon Gass va Buyuk Britaniya elchixonasi vakili Martin Longden “Tolibon” rahbarlari bilan uchrashib, Afg‘oniston gumanitar inqirozga qarshi kurashayotgan bir paytda, mamlakatga qanday yordam kerakligini muhokama qilgan.
Reuters xabariga ko‘ra, muzokaralar kuchayib borayotgan gumanitar inqiroz, xavfsizlik va terrorizm masalalari bo‘yicha olib borilgan. Shuningdek, Buyuk Britaniya va Afg‘oniston fuqarolari uchun xavfsiz harakatlanish va ayollar huquqlari masalalari ham muhokama qilingan.
“Tolibon” Tashqi ishlar vazirligi matbuot kotibi Abduqahar Balxiyning ma’lum qilishicha, toliblar “konstruktiv munosabatlar” tarafdori, uning qo‘shimcha qilishicha, “uchrashuv ikki davlat o‘rtasidagi diplomatik aloqalarni tiklashning batafsil muhokamasiga bag‘ishlanganini”.
“Bu muzokaralarning birinchi kunlari va oramizda kelishmovchiliklar bo‘lishi tabiiy hol. Biroq oldinda Afg‘onistonni hech qanday murakkab vazifalar kutmayapti” , — deydi Longden.
Avvalroq Buyuk Britaniya Afg‘onistondan evakuatsiya qilingan afg‘onlarga o‘z hududida doimiy yashash huquqini berishi haqida xabar berilgandi.
Mavzuga doir:
- Boris Jonson Buyuk Britaniyaning “Tolibon” bilan qanday shartlar asosida ishlashi mumkinligi haqida gapirdi
- Britaniya tashqi ishlar vaziri o‘z lavozimidan ozod etildi. “Tolibon” Kobulni egallayotgan paytda u Kritda dam olayotgan edi
- Afg‘onistonda “Tolibon”ning 34 a’zosi davlat lavozimlariga tayinlandi
Izoh (0)