Toshkent shahrining Sergeli tumanida fuqarolarning mablag‘larini talon-toroj qilgan shirkat rahbariga jinoyat ishi qo‘zg‘atildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Departamentning Sergeli tuman bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvlarda, tumandagi “S”. va “G.T.” xususiy uy-joy mulkdorlari shirkati rahbari L.R. 2018-yildan 2021-yilning sentabr oyiga qadar ushbu shirkatlarga qarashli xonadon egalaridan undirilgan jami 431 million so‘m badal to‘lovlarini shirkatlarga kirim qilmasdan, o‘zlashtirish yo‘li bilan talon-toroj qilgani aniqlangan.
Mazkur holatlar yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)