Yillar davomida mashhur bo‘lib kelgan retseptlar mavjud. Ularni qayta-qayta tayyorlash barchaga huzur bag‘ishlaydi. Ushbu olxo‘ri pirog retsepti 1983-yilda The New York Times’da chop etilgan. Gazetaning gastronom sharhlovchisi Merian Berros ilk nashrdan beri o‘quvchilarning iltimosiga binoan ushbu retseptni har sentabrda chop etishi kerak edi. Buning oxiri kulgili darajaga yetdi. Odamlar uni aniq kesib olish uchun sahifaning eng yaxshi qismiga joylashtirishni so‘radi. Ammo tahririyat 1989-yili retseptni oxirgi marta chop etishga qaror qildi. Lekin bu yordam bermadi. Oradan bir necha yil o‘tgach, retsept odatdagidan kattaroq o‘lchamda chop etildi, bu uni chiroyli tarzda kesish va saqlashni osonlashtirdi. Internet davrining paydo bo‘lishi oshpazlarga mashhur pirogni qayta tayyorlashga yordam berdi. Endi olxo‘rili pirog retsepti o‘nlab saytlarda, video va fotosuratlar, batafsil sharhlar va pishirish variantlari bilan topiladi.
Kerakli mahsulotlar:
- shakar – 170 gramm, 2 choy qoshiq;
- tuxum – 2 dona;
- sariyog‘ – 115 gramm;
- un – 110 gramm;
- olxo‘ri – 12 dona;
- qabartma – 1 choy qoshiq;
- limon sharbati – 2 osh qoshiq;
- dolchin – 1 osh qoshiq.
- Yumshatilgan sariyog‘ va shakar mikser bilan aralashtiriladi. Un, qabartma va tuxum qo‘shib, yana yaxshilab aralashtiriladi.
- Xamirni 20-25 santimetr diametrli qolipga joylashtiriladi. Xamir bir-biriga yaqin holda kesib olinadi, olxo‘ri joylashtirilib, shakar va limon sharbati quyiladi. Ustidan dolchin sepiladi.
- Pirog 180 daraja qizdirilgan pechda, taxminan, bir soat davomida pishiriladi. Issiq yoki sovitilgan holda dasturxonga tortiladi.
Izoh (0)