Nachinkasiga kolbasa va pishloq qo‘shib tayyorlanadigan lavashli yegulik retsepti

Nachinka ichiga pomidor va mayonez qo‘shilgani uchun yegulik sersuv bo‘lib pishadi. Albatta, tayyorlab ko‘rishingizni tavsiya qilamiz.

Kerakli mahsulotlar:

• kolbasa — 250 g;
• pomidor — 2 ta;
• qattiq pishloq — 150 gramm;
• mayonez — 3 osh qoshiq;
• lavash xamiri — 200 gramm;
• tuxum — 1 dona;
• arpabodiyon.

1. Kolbasa va pomidor mayda bo‘laklarga bo‘linadi. Pishloq qirg‘ichdan o‘tkaziladi. Arpabodiyon mayda to‘g‘raladi.
2. Tayyorlangan mahsulotlarga mayonez qo‘shiladi va aralashtiriladi.
3. Lavash xamiri 8 ta bir xil to‘rtburchak shaklda kesib olinadi.
4. To‘rtburchak xamirning bir tomoniga nachinka qo‘yiladi.
5. So‘ngra xamir chetlari birlashtirilib, konvert shakli hosil qilinadi.
6. Qolganlari ham shu tarzda davom ettiriladi.
7. Ular pishiriq qolipiga joylashtirilgach, ustidan tuxum sarig‘i suriladi. Xohishga ko‘ra, kunjut ham sepish mumkin.
8. Pechga 180 darajaga 15-20 daqiqaga qo‘yiladi. Usti qizarib pishgach, dasturxonga tortiladi.