Moskva metro bekatlaridan birida tojik va o‘zbek tillarida yozuvlar paydo bo‘ldi, deb xabar bermoqda “RBK”. Tojik tilidagi yozuvlar kirill, o‘zbek tilidagilar esa lotin alifbosida ko‘rsatilgan.
Xabarda aytilishicha, hozircha bu tajriba tariqasida faqat Chertanovo Yujnoye tumanidagi “Lesoparkovaya” bekatida joriy qilingan. “RIA Novosti”ning yozishicha, bu bejiz emas, chunki mazkur bekatdan migratsiya markaziga avtobuslar qatnaydi.
Metropolitenning o‘zi ularning vazifasi metroni turli yo‘lovchilar uchun qulay va tushunarli qilishdan iborat ekanligini qayd etgan. Xususan, vagonlardagi elektron tablolardagi gaplar 9 tilda ko‘rsatiladi.
Moskva shahar iqtisodiy siyosat, mulk va yer munosabatlari bo‘yicha vitse-meri Vladimir Yefimovning aprel oyida bergan ma’lumotlarga ko‘ra, Moskvada 800 ming nafardan ortiq chet elliklar ishlaydi. Bir yil oldin ular soni 1 million kishidan ko‘p bo‘lgan. Migrantlarning aksariyatini Qirg‘iziston (30 foiz), O‘zbekiston (27 foiz) va Tojikiston (20 foiz) fuqarolari tashkil etadi.
Izoh (0)