Vazirlar Mahkamasining qarori bilan qishloq xo‘jaligi vaziri Jamshid Xo‘jayevga Toshkent davlat agrar universitetining rektori vazifasini vaqtincha bajaruvchi lavozimi yuklatildi. Bu haqda vazirlik axborot xizmati xabar berdi.
Ma’lumot uchun, Jamshid Xo‘jayev 1979-yilda tavallud topgan. 2000-yilda Toshkent davlat iqtisodiyot universitetini tamomlagan. O‘zbekiston Respublikasi birinchi prezidenti tashabbusi bilan iqtidorli talabalar uchun tashkil etilgan “Umid” jamg‘armasi stipendianti.
U 2003-yilda Buyuk Britaniyadagi Birmingem universiteti xalqaro iqtisodiy aloqalar va davlat boshqaruvi yo‘nalishi magistranti. O‘z mehnat faoliyati davomida Markaziy bank, Milliy bank, Hisob palatasida ishlagan. 2017-yil oxirida tashqi savdo vaziri etib tayinlangan.
Bundan avval Jizzax viloyati hokimiga yangi o‘rinbosar tayinlangani, Bahrom Ashrafxonov O‘zbekistonning Gruziyadagi elchisi etib tayinlangani hamda Azim Ahmadxo‘jayev energetika vazirining birinchi o‘rinbosari etib tayinlangani haqida xabar berilgandi.
Izoh (0)