O‘zbekiston oliy ta’lim muassasalarida yangi o‘quv yili an’anaviy shaklda boshlanadi

O‘zbekiston Oliy ta’lim va o‘rta maxsus ta’limi vazirligi OTMlarda yangi o‘quv yili qay shaklda boshlanishiga aniqlik kiritdi.

Unga ko‘ra, rasman oliy ta’lim muassasalarida 2021/2022-o‘quv yili 6-sentabrdan bakalavriat va magistratura bosqichi talabalari uchun an’anaviy (oflayn) shaklda boshlanadi.

Avvalroq vazirlik talabalardan pandemiya sharoitida sanitariya-gigiyena qoidalariga qat’iy rioya qilishlarini, ularning ota-onalaridan ham farzandlari sog‘lig‘iga mas’uliyat bilan qarashlari va, albatta, vaksinatsiya jarayonida faol ishtirok etishlarini so‘ragan.

“Emlash talabalarning yaxshi bilim olishlari bilan bir qatorda o‘zlari hamda professor-o‘qituvchilarning ham sog‘-salomat bo‘lishini ta’minlaydi”, – deyilgandi xabarda.