Polshaning LOT aviakompaniyasiga qarashli Boeing 787-8 Dreamliner samolyoti Navoiy shahridagi xalqaro aeroportga kelib qo‘ndi, deb xabar beradi Telegram’dagi “Novosti Tashkentskogo neba” kanali.
Ma’lum qilinishicha, ekipaj Afg‘onistondagi Polsha diplomatlarini evakuatsiya qilish uchun Varshavadan LO-7023 reysini amalga oshirgan.
Shuningdek, Navoiy xalqaro aeroportiga Kobul aeroportidan ichida Polsha fuqarolari bo‘lgan Polish Air Force aviakompaniyasning Lockheed C-130H Hercules borti uchib kelmoqda. “Navoiyda fuqarolar Polsha aviakompaniyasining yo‘lovchi tashishga mo‘ljallangan Dreamliner’iga o‘tiradi”, — deyiladi xabarda.
Avvalroq Germaniyaning ikkinchi evakuatsiya samolyoti 125 nafar yo‘lovchi bilan Afg‘onistondan Toshkentga uchib kelgani to‘g‘risida xabar berilgandi.
Mavzuga doir:
Shu kuniyoq United Airlines, British Airways va Virgin Atlantic aviakompaniyalari Afg‘oniston havo hududidan foydalanishni to‘xtatdi. 17-avgust kuni ular qatoriga Air France-KLM, Lufthansa, Qatar Airways, Singapore Airlines, China Airlines va boshqa aviakompaniyalar qo‘shildi.
Izoh (0)