Louis Vuitton dizaynerlari 90 foizi qayta ishlangan materiallardan tashkil topgan krossovkani ishlab chiqishga muvaffaq bo‘ldi. Mazkur o‘ziga xos modelga Charlie deb nom berilgan.
Nafaqat erkaklar, balki ayollar uchun ham mo‘ljallangan oq krossovka, ikki xil – kalta va tepa qismi balandroq turadigan variantda taqdim etilgan. Charlie’ning ustki qismi qayta ishlangan poliester va biopolioli deb nomlangan makkajo‘xori asosidagi plastik qatlam bilan qoplangan.
Tag qismi 94 foiz qayta ishlangan kauchukdan iborat poyabzalning bog‘ichlari 100 foiz qayta ishlangan neylondan tashkil topgan. Ichki tagcharm hamda astar asosida qayta ishlangan poliuretan va poliester borligini ko‘rish mumkin.
Qayta ishlangan quti ichiga joylanadigan krossovkalarni 12-noyabrdan boshlab brendning rasmiy sayti orqali sotib olish mumkin bo‘ladi.
Mavzuga doir:
- Adidas 80-yillar filmidan ilhomlanib, mo‘ynali krossovkalarni sotuvga chiqardi
- Kanye Uest Yeezy krossovkalarining yangi modeli surati bilan bo‘lishdi. Poyabzal ijtimoiy tarmoqda memga aylandi
- Balenciaga 5390 dollarlik krossovkani taqdim etdi. U kiyishga mo‘ljallanmagan
- Reebok o‘yinchoq askarchalardan ilhomlangan holda yaratilgan krossovka modelini taqdim qildi
Izoh (0)