Internetda Huawei P50 Pro+ modeli 20 karrali optik va 200 karrali raqamli zumga ega bo‘lishi to‘g‘risida ma’lumotlar tarqaldi, deb xabar beradi IXBT.
Eslatib o‘tamiz, Huawei P30 Pro modeli 5 karra optik va 50 karra raqamli zumga ega bo‘lgan edi. 2020-yilda kompaniya 10 karra optik va 100 karra raqamli zumga ega Huawei P40 Pro+ ni taqdim etgandi. Apparat smartfonlar bozoridagi eng yaxshi zum-obyektivlardan biriga ega bo‘lgan.
Endi ma’lum qilinishicha, Huawei o‘zining P50 seriyasidagi barcha modellarda BOE displeylaridan foydalanadi, shu bilan birga ular Samsung va LG tomonidan ishlab chiqarilgan ekranlardan arzon bo‘lgani sabab Huawei mablag‘ tejaydi.
Avvalroq Twitter’dagi Rodent950 niki ostidagi taniqli insayder Huawei P50’ning yangi renderlarini e’lon qilgandi. Bu smartfonning hozirga qadar internetda tarqalgan eng sifatli tasvirlari hisoblanadi.
Izoh (0)