Farg‘ona shahrida Jahon banki mablag‘lari hisobidan ko‘p tarmoqli tibbiyot markazi quriladi. Bu haqda “Daryo”ga viloyat hokimligi axborot xizmati ma’lum qildi.
Qayd etilishicha, viloyat hokimligida Naser Masud hamda Labib Abs boshchiligidagi Jahon banki delegatsiyasi bilan uchrashuv o‘tkazilgan.
Uchrashuvda Jahon banki mablag‘lari hisobidan Farg‘onada zamon talablar darajasida jihozlanadigan ko‘p tarmoqli tibbiyot markazi qurilishi bilan bog‘liq jarayonlar muhokama qilingan.
Viloyat sog‘liqni saqlash boshqarmasi boshlig‘i Husan Mamajonovning ma’lum qilishicha, Sog‘liqni saqlash vazirligining roziligi va Moliya vazirligining kelishuvi bilan Jahon banki mablag‘lari hisobidan Farg‘ona shahrida ko‘p tarmoqli tibbiyot markazi qurilishi rejalashtirilgan. Markaz eng ilg‘or tibbiy jihozlar bilan ta’minlanishi belgilangan.
Izoh (0)