Samarqand viloyati Jomboy tumani hududida joylashgan Zarafshon milliy tabiat bog‘ida 3-iyul, shanba kuni yong‘in sodir bo‘ldi.
Viloyat FVB matbuot xizmati ma’lumotlariga ko‘ra, yong‘in haqida xabar soat 21:10 da kelib tushgan. Xabarga asosan voqea joyiga 5 ta yong‘in-qutqaruv ekipaji soat 21:51 yetib borganda, miliy bog‘ning 1,5 gektar maydonida to‘qayzorlar (malina, butazor, shox-shabba) yonayotgan bo‘lgan.
Tezkor harakatlar natijasida yong‘in soat 02:51 da o‘rab olinib, soat 04:03 da o‘chirilgan.
Qayd etilishicha, hodisa oqibatida jarohat olganlar yo‘q, yong‘inning sababi va zarari aniqlanmoqda.
Eslatib o‘tamiz, ushbu milliy tabiat bog‘ida 2020-yilning iyulida ham yong‘in sodir bo‘lgandi. Hodisa oqibatida 2000 kvadrat metr maydonda to‘qayzordagi quruq o‘t yonib ketgan.
Izoh (0)