AQSh aholisining 50 foizdan ortig‘i emlandi, ayrim shtatlarda cheklovlar butunlay olib tashlandi. Mamlakat koronavirusdan keyingi hayotga qanday o‘tmoqda? (foto)
70548
AQShning eng aholi gavjum shtati — Kaliforniya 15-iyun kuni koronavirusga oid barcha cheklovlarni rasman bekor qildi. Shtat birinchi marta 15 oy oldin qat’iy karantin ostiga olingandi. Shtat gubernatori Gevin Nyusom Kaliforniyada 40 million kishi koronavirusga qarshi vaksinaning kamida bitta dozasi bilan emlanganini ma’lum qildi, bu shtat aholisining 70 foiziga teng.
Kaliforniya shtatining Xantington-Bich plyajidagi dam oluvchilar.Foto: Getty Images
Kaliforniyada endilikda niqob taqish majburiy emas, kinoteatrlar, barlar, plyajlar, sport zallari ochiq, taniqli tramvaylar yana San-Fransisko bo‘ylab harakatlanishni boshlaydi, boshqa shtatlardan keluvchi mehmonlarga ham “Disneylend”ga kirishga ruxsat berildi.
2021-yil 14-iyun holatiga ko‘ra, AQShda umumiy hisobda 174 milliondan ortiq odam (mamlakat aholisining 53 foizi) vaksinaning bitta dozasini olgan, 144 milliondan ortig‘i esa (44 foiz) to‘liq emlangan. Ba’zi shtatlarda aholining 60 foizidan ko‘prog‘ini emlangan. Kaliforniyadan keyingi o‘rinda Nyu-York turibdi — shtatda cheklovlarning aksariyati bekor qilindi. Amerikaliklar pandemiya bilan shu tarzda xayrlashmoqda.
Kaliforniya gubernatori Gevin Nyusom Universal kinostudiyasida so‘zga chiqib, shtatdagi barcha karantin cheklovlari to‘liq olib tashlanganini e’lon qiladi: majburiy niqob taqish, ijtimoiy masofalar, muassasalarda odamlar soniga qo‘yilgan cheklovlar va boshqalar. Bundan tashqari, gubernator emlanganlarning o‘n nafari yutib olgan 1,5 million dollarlik sovrinni tarqatdi.Foto: Getty Images
Nyu-York gubernatori Endryu Kuomoning ta’kidlashicha, shtat aholisining 70 foizidan ko‘prog‘i kamida bitta doza vaksina olgan, shuning uchun muayyan muassasalar: do‘konlar, barlar va restoranlar, ofislar, sport zallari va boshqalar uchun koronavirus cheklovlari qat’iy tavsiya shaklida qolmoqda. Nyu-Yorkdagi Tayms maydoni yana sayyohlar bilan gavjum.Foto: LETA
San-Fransiskoda bouling zaliga tashrif buyurganlar, shaharda endi yopiq binolarda niqob taqish majburiy emas.Foto: Getty Images
Venis-Bich plyajidagi basketbolchilar. Los-Anjeles, Kaliforniya.Foto: LETA
Koronavirus cheklovlari bekor qilinganidan keyin Los-Anjeles markaziy bozoridagi restoranga tashrif buyurganlarFoto: Getty Images
Venis-Bich plyajidagi dam oluvchilar, bu yerda endi niqob taqish majburiy emas.Foto: EPA
Nyu-York aholisi shtatda emlanganlar 70 foizga yetganini nishonlamoqda. Niqob rejimi bekor qilindi, ammo ba’zi Nyu-York fuqarolari shaxsiy himoya vositalaridan foydalanishda davom etmoqda.Foto: Getty Images
Kaliforniyada koronavirus cheklovlari bekor qilingani munosabati bilan tashkil qilingan kechada odamlar bir-birining yuziga suv purkamoqdaFoto: Reuters
Shtat aholisining 70 foizi emlangani sharafiga Nyu-Yorkda o‘tkazilgan mushakbozlikFoto: Getty Images
