“Soyuzmultfilm” animatsiya studiyasi Biblioteka Aromatov parfyumer brendi bilan hamkorlikda sovet davriga oid multfilmlarning taniqli qahramonlari hidiga ega o‘n turdagi atirlarni tayyorladi, deb xabar beradi “Film.ru”.
“Ha-ha, bu hazil emas, o‘z iforingizni tanlang va bu haqda do‘stlaringizga so‘zlab bering. ‘Soyuzmultfilm’ kinostudiyasi yubileyi munosabati bilan sevimli multfilmingiz muhitini paydo qiladigan haqiqiy iforlar kolleksiyasini chiqardik”, — deyiladi kinostudiyaning Instagram’dagi anonsida.
Kolleksiya orqali jami 10 turdagi atir taqdim etilgan. Masalan, “Cheburashka”dan apelsin, “Kichkintoy va Karlson”dan — yog‘li shirin bulochka va malinali murabbo, “Prostokvashino”dan — tonggi shabnam, “Tumandagi tipratikan”dan — quyuq tuman, “Senimi, shoshmay tur!”dan esa quvnoqlik ifori keladi.
https://www.instagram.com/p/CP0_SIGHHDZ/
Shuningdek, multfilmlar iforlari seriyasidan “Shercha va toshbaqa”, “Uchinchi sayyora siri”, “To‘q sariq sigir”, “Bremenlik musiqachilar” va “Vinni Pux” ham o‘rin olgan.
Bitta flakon narxi 1950 rublni (27 dollar) tashkil etadi.
Izoh (0)