Chexiya huquqni muhofaza qilish idoralari prokuraturaga Yevropa Ittifoqi subsidiyalaridan firibgarlik bilan foydalanganlikda gumon qilinayotgan bosh vazir Andrey Babishga qarshi ayblov e’lon qilishni so‘rab murojaat qildi. Bu haqda “Interfaks” xabar berdi.
Associated Press xabariga ko‘ra, Praga prokuraturasi politsiya tekshiruvi natijalarini olganini, shunga ko‘ra Babish Yevropa Ittifoqi jamg‘armalaridan ajratilgan 2 million dollar mablag‘ bilan firibgarlikda gumon qilinganini e’lon qildi.
Ta’kidlanishicha, avvalroq politsiya bosh vazirga qarshi ayblov e’lon qilishni so‘ragan, ammo prokuratura ishni to‘xtatishga qaror qilgan. O‘shanda mamlakat bosh prokurori Pavel Zeman politsiyada yetarli dalillar yo‘qligini aytgan.
34 mingdan ko‘p sahifali materialdan iborat ish Babishga tegishli Agrofert konglomeratidan bosh vazir oilasi a’zolariga o‘tganidan keyin Yevropa Ittifoqi subsidiyalarini olgan fermer xo‘jaligiga aloqador. Subsidiyalar kichik va o‘rta biznes uchun mo‘ljallangan edi, Agrofert ushbu talabga javob bermagan.
AP ta’kidlashicha, keyinchalik ferma yana konglomerat nazoratiga qaytarilgan.
Babishning o‘zi barcha ayblovlarni rad etmoqda.
Mavzuga doir:
- Chexiya prezidenti Vrbetitsadagi portlashlar sababini kamomadni yashirishga urinish deb atadi. Bosh vazir voqeada faqat Rossiyadan gumon qilinayotganini aytdi
- Chexiya bosh vaziri Yevroittifoq mamlakatlarini hech bo‘lmaganda bir nafardan Rossiya diplomatini o‘z hududlaridan chiqarib yuborishga chaqirdi
Izoh (0)