AQShning Kaliforniya shtati San-Xose shahrida jamoat transportiga texnik xizmat ko‘rsatiladigan markaz (temiryo‘l deposi) yaqinida yuz bergan otishma oqibatida sakkiz kishi halok bo‘ldi, deb yozadi “RBK”. Yana bir necha kishi yaralangan.
Politsiya xabariga ko‘ra, qurbonlar orasida transport boshqaruvi markazi xodimlari bor. CNN xabarida aytilishicha, qurbonlarning barchasi mahalliy transport boshqaruvi xodimlari bo‘lgan. Mahalliy politsiya departamenti Twitter’da yozishicha, hujum qilgan shaxs ham halok bo‘lgan. Uning o‘z joniga qasd qilgani yoki politsiyachilar tomonidan o‘ldirilgani — noma’lum. Shuningdek, uning shaxsi ham oshkor qilinmayapti.
Los Angeles Times huquq-tartibot organlaridagi manbasiga asosan xabar berishicha, o‘t ochgan shaxs o‘z uyiga o‘t qo‘ygan, so‘ng transport boshqarmasi kasaba uyushmasi yig‘ilishiga borib, u yerda otishma sodir etgan. Shuningdek, nashr manbalariga qaraganda, o‘t ochgan erkak 50 yoshlar atrofida bo‘lgan.
Hodisa mahalliy vaqt bilan 06:30 da (Toshkent vaqti bilan 18:30) sodir bo‘ldi. Yaqin atrofdagi korxonalar ishchilari evakuatsiya qilingan. Voqea tufayli relsli transport harakati vaqtinchalik to‘xtatilgan va keyinroq yana qayta tiklangan.
Official: Multiple fatalities and multiple injuries in shooting incident near light rail yard in San Jose, California; San Jose mayor confirms suspect is dead. (Corrects: speaker) pic.twitter.com/GyK1NQvhIp
— MSNBC (@MSNBC) May 26, 2021
Izoh (0)