TikTok’da Uxtam Abdullayeva ismli bloger qog‘ozga yopishtirilgan skotchni unga zarar yetkazmasdan ko‘chirib olish borasidagi maslahati bilan bo‘lishdi. Ushbu “ajoyib layfxak” yordamida ko‘plab muhim hujjatlarni saqlab qolish mumkin, deb xabar beradi Hi-Tech.Mail.ru.
Rolik muallifi skotch bo‘lagini ikkita qog‘oz parchasiga yopishtirgan. Birinchi holatda skotchni oddiy usulda ko‘chirib olishga uringan, biroq to‘g‘ri usulda emas — yopishgan chetining bir qismidan tortib. Natijada skotch ajralgan, ammo qog‘oz hamda unga yozilgan narsaga shikast yetgan.
Ikkinchi holatda bloger skotchni boshqacha usulda ko‘chirgan: ayol skotch bo‘lagining ikki chetidan ushlab, uni qarama-qarshi tarafga tortgan. Rolikdan ko‘rish mumkinki, skotch ko‘chgan, qog‘ozga esa hech narsa qilmagan.
Video ostidagi izohlarda qayd etilishicha, agarda skotchning uzunligi qog‘oz bilan teng qilib kesilgan bo‘lsa, bu usul yordam bermaydi. Bu kabi holatda foydalanuvchilar eski skotch yuzasiga yangisini yopishtirib, tortish kerakligini maslahat bermoqda.
Avvalroq Instagram’da kiyimlarni dazmol yordamisiz tekislash usulini o‘ylab topgan ayol mashhurlikka erishgandi.
Izoh (0)