Iyun o‘rtalarida Milanda Team Rafanelli jamoasi uchun Italtecnica firmasi tomonidan 2000-yilda ishlab chiqarilgan ikkita Ferrari 550 GT1 sportkaridan biri auksion orqali sotuvga qo‘yiladi. 21 yillik avtomobil bugungi kunga qadar 16 ta poygada ishtirok etgan, deb xabar beradi Motor.
Ferrari kompaniyasining o‘zi yirik old motorli 550 Maranello kupesidan avtosportda foydalanishni rejalashtirmagan. Ammo ayrim xususiy jamoalar 12 silindrli dvigatelga ega ushbu kuchli sportkarni poyga uchun muvaffaqiyatli avtomobil deb topgan.
Yorqin ko‘k rangli sportkar 2001-yilgi mavsum oldidan Italtecnica firmasi tomonidan Team Rafanelli jamoasi FIA GT poygalar seriyasiga qatnashishi uchun yaratilgan. Uning asosini kuzov raqami ZFFZR49B000115811 bo‘lgan oddiy seriyali Ferrari 550 tashkil etadi.
V12 dvigateliga jiddiy o‘zgartirish kiritilgan — ishchi hajmi 5,5 dan olti litrgacha ko‘tarilgan va individual yoqilg‘i klapanli original tizim o‘rnatilgan. Maksimal quvvati daqiqasiga 6250 aylanishda 585 ot kuchini taqdim etadi — daqiqasiga 4700 aylanishda 750 Nm. Uzatmalar qutisi sekvental tipli Hewland poyga agregatiga almashtirilgan. Aerodinamik tayanchi ugleplastikdan tayyorlangan. Avtomobil og‘irligi 1100 kilogrammga qadar kamaytirilgan — bu seriyali Ferrari’dan 590 kilogrammga yengil demak.
2001-yilda qizil rangda bo‘lgan avtomobilni italiyalik poygachilar Emmanuel Nasetti va Mimmo Shiattarella boshqargan. Ular finishga uch marotaba to‘rtinchi va bir marta beshinchi bo‘lib yetib kelgan.
Poyga mavsumi yakunlangach bolidni Italiyaning Dart Racing kompaniyasi sotib olgan: avtomobilga JAS Motorsport firmasi tomonidan biroz o‘zgartirish kiritilgan va o‘shanda u Red Bull logotipli ko‘k rangga ega bo‘lgan. 2002-yilda FIA GT seriyasida Luki Richchitelli va avstraliyalik faxriy Diter Kester boshqargan — biroq omadsiz urinish bo‘lgan.
Shundan so‘ng, mashina yana o‘z egasini almashtirgan — uni Fransiyaning JMB Racing jamoasi sotib olgan. 2003-yilgi FIA GT’da ham avtomobil muvaffaqiyatsiz ishtirok etgan: oltida bosqichda bitta finish.
Hozirga qadar biroz restavratsiya qilingan avtomobil 2,1—2,6 million dollarga baholanmoqda.
Avvalroq AQShda yarim asr garajda saqlangan noyob Ferrari 2,5 million dollarga sotilayotgani to‘g‘risida xabar berilgandi.
Izoh (0)