Disney Imagineering Project loyihasi filmlarda suratga tusha oladigan yoki turli bog‘larda tashrif buyuruvchilar ko‘nglini xushnud etishga mo‘ljallangan qahramonlarni yaratishni boshladi, deb xabar beradi IXBT.
2018-yilda boshlangan loyihaning maqsadi ma’lum bir personaj rolini ijro etishga qodir ikki oyoqli mobil robotni yaratishdan iborat.
Ixtirochilar jamoasi o‘zlarining birinchi robotiga Marcel Comics komikslar kompaniyasi tomonidan suratga olingan “Galaktika qo‘riqchilari” filmidagi kichkintoy Grutning tashqi ko‘rinishini berishga qaror qildi. Natijada kichkina va ulg‘aygan Grut orasidagi personaj yuzaga kelgan.
Shuningdek, loyiha doirasida taqdim etilgan rolikda ikki oyoqli robot xuddi filmlardagi personaj kabi harakatlanganini ko‘rish mumkin. Robotni dasturlash uchun unga ingichka kabel ulangan bo‘lib, bu uning yanada erkin harakatlanishini ta’minlaydi.
“Animatsiyalar jamlanmasi, shuningdek, mimikalari sabab ba’zan bu robot emas, balki uch o‘lchamli modellashtirish dasturi orqali yaratilgan haqiqiy personajga o‘xshaydi”, — deyiladi xabarda.
Izoh (0)