Diyetologlar har kuni yeyishni tavsiya qiladigan 12 mahsulot

Ushbu mahsulotlar nafaqat qomatimizni, balki sog‘lig‘imizni ham yaxshilaydi.

Yong‘oq

Yong‘oq yurak uchun muhim bo‘lgan o‘simlik oqsili, kletchatka va to‘yinmagan yog‘larga boy. Bu mahsulot har kuni yeyishga arziydi, har xil turlari bo‘lsa yanada yaxshi. Braziliya yong‘og‘i, bodom, grek yong‘og‘i, keshyu, yeryong‘oq —  kuniga bir hovuch iste’mol qilish me’yor hisoblanadi.

Ismaloq, rayhon, salat bargi va hatto Bryussel karami ham bu borada koni foyda mahsulot. Shifokorlarning aytishicha, kuniga kamida bir porsiya ko‘kat iste’mol qilganlarda qarish jarayoni boshqalarga nisbatan sekin kechadi va kognitiv funksiyalarni yo‘qotish ehtimoli kamroq kuzatiladi.

Malina, maymunjon, qulupnay, golubika va boshqa rezavor mevalar kletchatka va C vitaminiga boy. Tadqiqotlarda aniqlanishicha, har kuni bir stakan golubika yegan katta yoshlilar bilim samaradorligi va xotirani aniqlash bo‘yicha o‘tkazilgan testlarda yaxshi natijalarga erishgan.

Avakado yurak va qon-tomirlar faoliyati uchun muhim mahsulotdir. U kletchatkaga boy bo‘lib, shuningdek, suyaklar sog‘lomligi uchun zarur bo‘lgan monoto‘yinmagan omega-9 yog‘i va K vitaminiga ega.

Yogurtlar ichaklarning yaxshi ishlashi uchun zarur bo‘lgan probiotik bakteriyalarga boy, mazkur yogurtda esa oqsil va kalsiy juda ko‘p. Eng muhimi, shirin qo‘shimchalar qo‘shilgan yogurt sotib olish kerak emas. Undan ko‘ra sarxil yoki quritilgan meva va yong‘oq qo‘shgan afzalroq.

Loviya tasavvur qilmas darajada kletchatkaga boy mahsulot. Bundan tashqari, u o‘simlik oqsili, B vitaminlari, sink va temirga boy. Yosh o‘tgan sayin xolesterin va qondagi shakar miqdorini me’yorida ushlab turishi uchun ham loviyani tez-tez iste’mol qilish lozim.

Kuniga bir marta suli yormasidan tayyorlangan taom iste’mol qilish “yomon” xolesterin miqdorining pasayishiga yordam beradi, shuningdek, tarkibida oziq tolasi ko‘p bo‘lib, uzoq vaqt davomida ochlik hissini keltirib chiqarmaydi.

Homilador ayollar organizmi uchun tuxum ayniqsa muhimdir: xolin moddasiga boy bo‘lgan tuxum bolaning sog‘lom rivojlanishiga xizmat qiladi va organizmga omega-3 yog‘i kabi boshqa foydali moddalarni singdirishda yordam beradi. Bundan tashqari, tuxum D vitaminiga boy bo‘lib, ayniqsa qish va bahorda ko‘proq iste’mol qilish lozim.

Baliq turlari ichida lasos omega-3 yog‘ kislotasi, EPA va DHA moddalariga egaligi bilan ham ajralib turadi. Lososni muntazam ravishda iste’mol qilish yurak xastaligi xavfini kamaytiradi va kayfiyatni yaxshilaydi, shuningdek, ikkinchi tur qandli diabet rivojlanishini sekinlashtirishi mumkin.

Boshqa dukkakli ekinlarga nisbatan yasmiq tarkibida juda ko‘p protein, kletchatka va kam miqdorda yog‘ mavjud. Uning past darajadagi glyukemik indeksi qondagi glyukoza miqdorini me’yorda saqlashga yordam beradi va vegetarianlar uchun ideal oqsil manbayi hisoblanadi.

Eng foydali sabzavotlardan biri bo‘lgan piyoz antioksidantlar bilan bir qatorda yurak qon-tomirlari salomatligi uchun zarur bo‘lgan flavonoidlarga boy. Bundan tashqari, sarimsoqning foydasi ham piyozdan kam emas.

Quritilgan mevalar ko‘p kaloriya va yuqori shakar miqdoriga egaligi tufayli ham ko‘pchilikka tavsiya etilmaydi. Ammo xurmo kalsiy va magniyga boy bo‘lib, suyak salomatligi uchun muhimdir.