Yevropa Ittifoqining doimiy vakillari qo‘mitasi Eronda inson huquqlarining poymol qilinish holatlari kuzatilgan deb gumon qilgan holda sakkiz nafar jismoniy va uch yuridik shaxsga nisbatan cheklov choralarini qo‘llash haqida qaror chiqardi. Bu haqda Bryusseldagi manbalariga tayanib Reuters agentligi xabar berdi.
Sanksiyalar Yevroittifoq kengashi tomonidan rasman tasdiqlanganidan keyin, yaqin kunlar ichida kuchga kiradi. Cheklovlar Eronda 2019-yilda bo‘lib o‘tgan norozilik namoyishlarini ayovsiz bostirish bilan bog‘liq harakatlar sabab joriy qilinadi.
Cheklov choralari Yevroittifoqdagi inson huquqlari masalalari bo‘yicha yangi sanksiyalar mexanizmi doirasida qabul qilingan, avval mazkur ro‘yxatga Rossiya hamda Xitoyning bir necha fuqarolari kiritilgan, bu Moskva, ayniqsa Pekin bilan xalqaro munosabatlardagi keskinlikni yanada oshirdi. Xitoy YeI sanksiyalariga javoban o‘z cheklovlarini e’lon qildi.
Mavzuga doir:
- Kanada “Navalniy ishi” tufayli to‘qqiz nafar rossiyalik yuqori lavozimdagi amaldorga nisbatan sanksiyalar qo‘lladi
- Kanada va Avstraliya Qrim sababli Rossiyaga qarshi yangi sanksiyalar e’lon qildi
- AQSh, Kanada va Buyuk Britaniya uyg‘urlar huquqlari buzilishi tufayli Xitoyga qarshi sanksiyalar kiritdi
Izoh (0)