O‘zbekiston xalq shoiri Abdulla Oripov tavalludining 80 yilligi munosabati bilan u yashab ijod qilgan xonadonda yodgorlik lavhi o‘rnatildi. Bu haqda “O‘zbekiston 24” telekanalida ma’lum qilindi.
Tantanali ochilish marosimida shoirning Toshkent viloyati Qibray tumanidagi “Yangi arg‘in” mahallasida joylashgan xonadonida bo‘lib o‘tdi, unda Yozuvchilar uyushmasi jamoasi, yozuvchilar, shoirlar, adabiyotshunoslar, jurnalistlar ishtirok etgan.
Unda O‘zbekiston xalq shoiri va uyushma raisi Sirojiddin Sayyid, O‘zbekistonda xalq shoiri Usmon Azim so‘zga chiqib, adibning ijodi bilan bog‘liq iliq xotiralarni yodga oldi.
Eslatib o‘tamiz, Prezident Shavkat Mirziyoyev 2020-yilning dekabrida O‘zbekiston xalq shoiri Abdulla Oripov tavalludining 80 yilligini tantanali nishonlash to‘g‘risidagi qarorni imzolagandi.
Ishlab chiqilgan dasturga ko‘ra, 2021-yilning mart oyida “O‘zbekiston” xalqaro forumlar saroyi Abdulla Oripovning xotirasiga badiiy-adabiy kecha o‘tkazish rejalashtirilgan. Ularning “Tanlangan asarlar”i, qoraqalpoq, rus, ingliz va boshqa tillarga tarjima qilingan holda chop etilishi, shuningdek, Abdulla Oripov zamondoshlari xotirasida kitobini nashrga tayyorlab, chop etilishi belgilangan edi.
Izoh (0)