Meksikada shimoliy Kouela va Nuevo-Leon shtatlari chegarasida sodir bo‘layotgan yirik o‘rmon yong‘ini tufayli 1100 kishi evakuatsiya qilindi, deb yozadi “Izvestiya” nashri.
Xabarga ko‘ra, 23-mart kuni boshlangan yong‘in oqibatida taxminan 8 ming gektar, jumladan Kouela shahridagi 3,8 ming gektarga yaqin o‘rmon yo‘q qilingan.
“TASS” agentligining xabar berishicha, yong‘inni o‘chirish uchun 800 ga yaqin O‘rmon xo‘jaligi milliy komissiyasi ishchilari va harbiy xizmatchilar jalb qilingan.
Ayni paytda yong‘inga qarshi kurash dengiz sathidan 2,5 kilometrdan ortiq balandlikda, og‘ir sharoitlarda davom etmoqda. O‘t o‘chirish bilan shug‘ullanuvchi kishilar va samolyotlar sonining ortishiga qaramay, vaziyatni nazorat ostiga olish qiyin bo‘lmoqda.
Tabiiy ofat tufayli halok bo‘lganlar va jarohat olganlar haqida ma’lumot berilmagan.
Eslatib o‘tamiz, 21-fevral kuni Janubiy Koreyaning janubi-sharqiy qismida keng miqyosli o‘rmon yong‘ini boshlangan edi. Yong‘in Andong va Yechon shaharlari yaqinidagi taxminan 255 gektar o‘rmonni yo‘q qilgan.
Rainforest Foundation Norway nodavlat tashkiloti tadqiqotlariga ko‘ra, 2002-yildan 2019-yilgacha insoniyatning faoliyati 600 ming kvadrat kilometr o‘rmonni vayron qildi, bu deyarli Fransiya hududi bilan teng maydon hisoblanadi. Yoshi ulug‘ tropik o‘rmonlarning 34 foizi yo‘q qilindi va yana 30 foizi chirib, nobud bo‘lgan.
Izoh (0)