Bugun,

  • USD 11095.31
  • RUB 173.84
  • EUR 10772.44

Yevrokomissiya qat’iy shartli marketing ruxsatnomalari o‘rniga, koronavirus vaksinalarini shoshilinch ma’qullash imkoniyatini ko‘rib chiqmoqda. Bu haqda Reuters nashriga tayanib “Korrespondent.net” xabar berdi.

Foto: Reuters

Foto: Reuters

O‘zgarishlar Yevropa Ittifoqi rahbariyati va blokning dori-darmonlarni tartibga soluvchilariga nisbatan tobora ortib borayotgan bosim bilan bog‘liq. Chunki vaksinalarni tasdiqlash jarayonining sekinligi emlash kampaniyasining amalga oshishini AQSh va Buyuk Britaniyadagiga nisbatan susaytirishi mumkin.

“Biz a’zo davlatlar bilan vaksinani tasdiqlashni tezlashtirishning barcha ehtimoliy usullarini muhokama qilishga tayyormiz”, — dedi komissiya vakili Yevrokomissiya prezidenti Ursula fon der Lyayen bilan uchrashuvda bo‘lib o‘tgan ushbu masala muhokamasidan so‘ng.

“Shu o‘rinda vaksinani Yevropa Ittifoqida favqulodda tasdiqlash bo‘yicha a’zo davlatlar o‘rtasida javobgarlikni taqsimlash maqbul yechimlardan biri bo‘lishi mumkin”, — deb qo‘shimcha qildi komissiya vakili.

Yevropa Ittifoqi hukumatlari bunday fikrni qo‘llab-quvvatlasa, ushbu masala bo‘yicha amaliy choralar tez orada boshlanishi mumkin.

Ma’lumot uchun, COVAX dasturi yoz fasligacha 142 ta davlatga 240 million doza vaksina yetkazib beradi. Davlatlar AstraZeneca vaksinasining 237 million, Pfizer vaksinasining 1,2 million dozasini qabul qilib oladi.

Avvalroq Yevropa Ittifoqida vaksinatsiya sertifikatlari joriy etilishi haqida xabar berilgan edi.

Izoh
Asosiy yangiliklar
Kino
Filmdagi roli sabab kompyuter grafikasi yordamida “yoshartirilgan” aktyorlar (foto) 
Dunyo
Boeing va Airbus’ga raqib: Xitoyning C919 yo‘lovchi samolyoti ilk parvozni muvaffaqiyatli amalga oshirdi
Mahalliy
Andijonda 20 yoshli yigit kanalga tushib ketgan qizni qutqaraman deb o‘zi cho‘kib ketdi