Polshada koronavirusning yangi uchqunlari paydo bo‘ldi

Polshada bir kun davomida 15 698 ta yani virusga chalinish holati ro‘yxatga olindi. Bu noyabr oyidan beri kuzatilgan eng yuqori ko‘rsatkich. Bu haqda “Korrespondent.net” xabar berdi.

So‘nggi uch hafta ichida virusning yangi to‘lqini alomatlari kuzatildi: 17-fevralda bu ko‘rsatkich, taxminan, 8700 kishi, 24-fevralda 12 146 kishini tashkil qildi, hozirda esa virus 15 698 kishida qayd etildi.

Shuningdek, bir kunda 309 kishi virus qurboniga aylandi. Ayni paytda shifoxonalarda 15 mingdan ortiq bemor koronavirusdan davolanmoqda, ularning 1583 tasi qayta jonlantirish bo‘limiga joylashtirilgan.

Avvalroq Polshaga kiruvchilar uchun yangi qoida joriy etilgani haqida xabar berilgan edi.